Қизамиқ касаллиги- тана хароратининг кўтарилиши, танага тошмалар тошиши билан кечадиган касаллик бўлиб, бу касаллик аввал касалланмаган хамда ушбу касалликга қарши эмланмаганлар орасида кузатилади.
Бу касаллик бемор одам аксирганда, йўталганда атрофга, хаво орқали тарқалади ва соғлом одамларга юқади.
Хозирги кунда болалар 1 ёшда хамда 6 ёшга тўлганда миллий эмлаш календари асосида эмланмоқда, лекин шунга қарамасдан айрим холатларда ушбу касаллик билан касалланиш холатлари кузатилганлиги сабабли 2023- йил декабрь ойида эпидемиологик кўрсатмага асосан 6 ойликдан бошлаб 7 ёшгача бўлган болаларда оммавий эмлаш тадбирлари амалга оширилди.
Кузатувлар натижасига кўра жами беморларнинг 57 %и 16 ёшдан катталар ва 27%и 6 ойликгача бўлган чақалоқлар ташкил этмоқда.Бу касаллик ўта юқувчан бўлиб, айрим холатларда, айниқса 1 ёшгача бўлган болаларда оғир кечиши мумкин.
Бу касалликдан қандай сақланса бўлади.
1. Аввал эмланмаган ва бу касаллик билан оғримаган шахслар зудлик билан эмланишлари керак.
2. Ушбу касаллик нафас йўллари орқали юқишини инобатга олиб,уюшган даргохларда, оммавий тадбирларда ниқобда юриш.
3. 6 ойликгача бўлган чақалоқларни зарурат бўлмаганда оммавий тадбирларга олиб бормаслик.
4. Худди шунингдек катталар хам имкон даражасида оммавий тадбирларда иштирок этмаслик .
5. Хоналар хавосини тез- тез янгилаш, яъни 1 кунда 3-4 марта хона эшик ва деразаларни очиб туриш.
6. Касаллик оддий шамоллаш каби бошланишини эсда тутган холда, сизда ёки фарзандингизда, йўтал, кўзидан ёш оқиши ва танасида турли тошмалар тошиши кузатилса зудлик билан шифокорга мурожаат қилиш.
Юқоридаги тадбирлар ахоли томонидан белгиланган тартибда амалга оширилса ушбу касаллик билан касалланиш холатлари кузатилмайди.
Ўзингиз ва яқинларингиз соғлигига эътиборсиз бўлманг.
Ўзбекистон туман СЭО ва ЖСБ Эпидемиология бўлими мудири: М.Розиқов.